अध्यक्षको सन्देश

- शिवचन्द्र चौधरी

जलेश्वर उद्योग वाणिज्य संघ स्थापनाकालदेखि नै जलेश्वर क्षेत्रको व्यवसायिक हितको संरक्षण, प्रवर्द्धन र विकासमा समर्पित रहँदै आएको छ। हाम्रो संस्थाले सधैं व्यवसायीहरूको अधिकार, सुविधा र समस्याहरूको समाधानका लागि निरन्तर प्रयास गर्दै आएको छ।

यस वेबसाइटमार्फत हामी संघका गतिविधिहरू, सूचनाहरू र सेवाहरूलाई डिजिटल माध्यमबाट सबैसमक्ष पुर्याउने प्रयास गरेका छौं। यसले व्यवसायीहरूबीचको समन्वय र सहकार्यलाई अझ प्रभावकारी बनाउने विश्वास लिएको छु।

सम्पूर्ण व्यवसायी साथीहरू, सरोकारवाला निकायहरू र आम नागरिकहरूको सहयोग र सुझाव सदैव अपेक्षित छ। आउनुहोस्, हामी सबै मिलेर जलेश्वरको आर्थिक समृद्धिका लागि हातेमालो गरौं।

धन्यवाद !